స్వేచ్చ==మధుమక్షికమును నేనైన --మనుజులకు దూరముగ
నడవిలో నాపట్టు నమరించుకొందు
పావురమ్మునునేనైన--బహుదూరమగుచోట
గూడు చేసుకొనినే --గోప్యముగ నుండెదను ;
నెమలినినేనైన-- నెవ్వారు చొరరాని
ఏతోపులోనో ఏకోనలోనో --స్వేచ్చమై విహరింతు
నటనమాడుచును
మదకరినినేనైన-- మావటీలకు లొంగి
దాస్యమ్ము చేయక -- దవ్వులకేగి
సరసులో తానాలు --సలుపుచునుందు ;
ధనలోభి, క్రూరాత్ముడతి దురాశాపరుడు
మానవునికి దూరముగ -మసలుటే మాకు
స్వేచ్చా ప్రదమ్ము - సుఖ శాంతికారకము .
కామెంట్‌లు లేవు:
కామెంట్‌ను పోస్ట్ చేయండి